हे इस्राएलाच्या मेंढपाळा, लक्ष दे. तू आपल्या सामर्थ्याने खळबळ उडव; ये व आम्हास वाचव. हे देवा, तू आमचा पुन्हा स्वीकार कर; आपला मुखप्रकाश आम्हावर पाड आणि आम्ही वाचू. हे परमेश्वरा, सेनाधीश देवा, तुझे लोक प्रार्थना करीत असता तू किती वेळ कोपलेला राहशील? मिसर देशातून तू द्राक्षवेल काढून आणिला. हे सेनाधीश देवा, तू मागे फिर; स्वर्गातून खाली बघ आणि लक्ष पुरव आणि या द्राक्षवेलीची काळजी घे. तुझ्या उजव्या हाताला असलेल्या मनुष्यावर तुझा हात राहो.