ദൈവമേ, എന്റെ പ്രാർത്ഥന ചെവിക്കൊള്ളേണമേ. പ്രാവിനെപ്പോലെ എനിക്ക് ചിറകുണ്ടായിരുന്നുവെങ്കിൽ! എന്നാൽ ഞാൻ പറന്നുപോയി വിശ്രമിക്കുമായിരുന്നു. എന്നെ നിന്ദിച്ചത് ഒരു ശത്രുവല്ല; എന്നോട് സമനായ മനുഷ്യനും എന്റെ സഖിയും എന്റെ പരിചയക്കാരനുമായ നീയാണല്ലോ. നാം ഒരുമിച്ച് മധുരമായ സംഭാഷണം നടത്തി. നിന്റെ ഭാരം യഹോവയുടെമേൽ വച്ചുകൊള്ളുക; അവിടുന്ന് നിന്നെ പുലർത്തും; നീതിമാൻ കുലുങ്ങിപ്പോകുവാൻ അവിടുന്ന് ഒരുനാളും സമ്മതിക്കുകയില്ല.