ദൈവമേ, എന്നോട് കൃപയുണ്ടാകേണമേ; മനുഷ്യർ എന്നെ വിഴുങ്ങുവാൻ നോക്കുന്നു. ഞാൻ ഭയപ്പെടുന്ന നാളിൽ അങ്ങയിൽ ആശ്രയിക്കും. ഞാൻ ദൈവത്തിൽ അവിടുത്തെ വചനത്തെ പുകഴ്ത്തും; ഞാൻ ദൈവത്തിൽ ആശ്രയിച്ചിരിക്കുന്നു; ജഡത്തിന് എന്നോട് എന്തു ചെയ്യുവാൻ കഴിയും എന്നു ഞാൻ ഭയപ്പെടുകയില്ല. അങ്ങ് എന്റെ അലഞ്ഞുനടപ്പുകൾ എണ്ണുന്നു; എന്റെ കണ്ണുനീർ അങ്ങേയുടെ തുരുത്തിയിൽ സൂക്ഷിക്കേണമേ. ഞാൻ ദൈവത്തിൽ ആശ്രയിച്ചിരിക്കുന്നു; മനുഷ്യന് എന്നോട് എന്തു ചെയ്യുവാൻ കഴിയും എന്നു ഞാൻ ഭയപ്പെടുകയില്ല. അങ്ങ് എന്റെ പ്രാണനെ മരണത്തിൽനിന്ന് വിടുവിച്ചുവല്ലോ.