आमच्या देवाच्या नगरात, त्याच्या पवित्र पर्वतावर, परमेश्वर थोर आणि परमस्तुत्य आहे. सियोन डोंगर उंचीवर सुंदर आहे, सर्व पृथ्वीचा आनंद आहे. तिच्या राजमहालांमध्ये देव आश्रय म्हणून ओळखला जातो. राजे एकत्र जमले, ते एकत्र पुढे गेले. हे देवा, तुझ्या भवनात आम्ही तुझ्या प्रेमदयेचा विचार करतो. हे देवा, जसे तुझे नाव आहे, तशी तुझी स्तुती पृथ्वीच्या शेवटापर्यंत आहे. हा देव सदासर्वकाळ आमचा देव आहे; तो मरणापर्यंतही आमचा मार्गदर्शक होईल.