जेव्हा तू देवाच्या भवनात जातोस तेव्हा आपल्या वागणूकीकडे लक्ष दे; ऐकणे हे मूर्खांच्या बलिदानापेक्षा चांगले आहे. तुझ्या मुखाने बोलण्याची घाई करू नको, आणि देवासमोर कोणतीही गोष्ट उच्चारायला तुझे मन उतावळे करू नको. देव स्वर्गात आहे पण तू तर पृथ्वीवर आहेस. म्हणून तुझे शब्द मोजकेच असावे. जर तू देवाला नवस केला असेल तर तो फेडायला वेळ लावू नको. काहीतरी नवस करून त्याची पूर्तता न करण्यापेक्षा कसलाच नवस न करणे हे चांगले आहे. जो रुप्यावर प्रेम करतो तो रुप्याने समाधानी होत नाही. काम करणाऱ्या मनुष्याची झोप गोड असते.