मी भूतलावर एक अरिष्ट पाहिले, आणि ते मनुष्यासाठी भारीच असते. देव कोणा मनुष्यास खूप संपत्ती, धनदौलत आणि मानसन्मान एवढा देतो की तो मनुष्य जे इच्छितो ते सर्व त्यास मिळते, परंतु देव त्यास त्याचा आनंद घेण्याची शक्ती देत नाही. जर कोणा मनुष्याने शंभर मुलांस जन्म दिला आणि पुष्कळ वर्षे जगला... परंतु त्याचा जीव चांगल्या सुखाने समाधान पावला नाही... तर त्याच्यापेक्षा मृत जन्मलेले बाळ खूप बरे आहे. असे मी म्हणतो. मूर्खापेक्षा शहाण्याला काय अधिक फायदा होतो? मनुष्याचे सर्व श्रम पोटासाठी आहेत. तरी त्याची भूक भागत नाही. जे काही झाले त्याचे नाव पूर्वीच ठेवलेले आहे.