ദൈവമേ, അങ്ങ് ഞങ്ങളെ എന്നേക്കും തള്ളിക്കളഞ്ഞതെന്ത്? അങ്ങേയുടെ സഭയെ ഓർക്കേണമേ. നിത്യശൂന്യങ്ങളിലേക്ക് അങ്ങേയുടെ കാലടികൾ തിരിക്കേണമേ. അങ്ങേയുടെ ശത്രുക്കൾ അങ്ങേയുടെ സഭായോഗങ്ങളുടെ നടുവിൽ അലറുന്നു. ഞങ്ങളുടെ അടയാളങ്ങളെ ഞങ്ങൾ കാണുന്നില്ല; ഇനി ഒരു പ്രവാചകനും ഇല്ല. ദൈവമേ, വൈരി എത്രത്തോളം നിന്ദിക്കും? ദൈവം പുരാതനമേ എന്റെ രാജാവാകുന്നു; ഭൂമിയുടെ മദ്ധ്യത്തിൽ അവിടുന്ന് രക്ഷ പ്രവർത്തിക്കുന്നു. ദൈവമേ, എഴുന്നേറ്റ് അങ്ങേയുടെ സ്വന്തം വ്യവഹാരം നടത്തേണമേ.