थोर परमेश्वर देव बोलला आहे. सौंदर्याची परिपूर्णता अशा सियोनेतून देव प्रकाशला आहे. हे माझ्या लोकांनो, ऐका. तुमच्या बलिदानांबद्दल मी तुम्हाला दोष देणार नाही. कारण जंगलातील प्रत्येक पशू माझा आहे, आणि हजारो डोंगरांवरील गुरे माझी आहेत. मी भुकेला असलो तरी तुला सांगणार नाही. देवाला उपकारस्तुती अर्पण कर; आणि परात्पराकडे आपले नवस फेड; आणि संकटाच्या दिवशी मला हाक मार; मी तुला वाचवीन, आणि तू मला गौरव देशील. जो कोणी स्तुती अर्पितो तो मला गौरव देतो.