എന്റെ ഉള്ളം ദൈവത്തെ നോക്കി മൗനമായിരിക്കുന്നു; എന്റെ രക്ഷ അവിടുത്തിൽനിന്ന് വരുന്നു. അവിടുന്ന് മാത്രം എന്റെ പാറയും എന്റെ രക്ഷയും ആകുന്നു; അവിടുന്ന് എന്റെ ഗോപുരമാകുന്നു; ഞാൻ ഏറെ കുലുങ്ങുകയില്ല. നിങ്ങൾ എത്രത്തോളം ഒരു മനുഷ്യനെതിരെ ദോഷം നിരൂപിക്കും? എന്റെ ഉള്ളമേ, ദൈവത്തെ നോക്കി മൗനമായിരിക്കുക; എന്റെ പ്രത്യാശ കർത്താവിൽനിന്ന് വരുന്നു. എല്ലാകാലത്തും അവിടുത്തിൽ ആശ്രയിക്കുവിൻ. ദൈവം ഒരിക്കൽ അരുളിച്ചെയ്തു; ബലം ദൈവത്തിനുള്ളത് എന്നു ഞാൻ രണ്ടുപ്രാവശ്യം കേട്ടിരിക്കുന്നു. കർത്താവേ, ദയയും അങ്ങേക്കുള്ളതാകുന്നു.