தானியேல் பிரதானிகளுக்கும் தேசாதிபதிகளுக்கும் மேலாக மேன்மைபெற்றான். அவர்கள் ராஜ்ஜிய விவகாரத்தில் தானியேலுக்கு விரோதமாகக் குற்றம் கண்டுபிடிக்க வழிதேடினார்கள்; ஆனால் ஒன்றும் கிடைக்கவில்லை. முப்பது நாட்கள்வரை எந்தத் தேவனிடத்திலாவது மனிதனிடத்திலாவது விண்ணப்பம்செய்கிற எவனும் சிங்கங்களின் குகையிலே போடப்படுவான். அந்தப் பத்திரத்தில் கையெழுத்து போடப்பட்டதென்று தானியேல் அறிந்தபோது, தன் வீட்டிற்குள்ளே போனான்; தன் மேலறையிலே எருசலேமிற்கு நேராக ஜன்னல்கள் திறந்திருக்க, தினம் மூன்று வேளையும் முழங்காற்படியிட்டு ஜெபம்செய்து, ஸ்தோத்திரம் செலுத்தினான். அவர்கள் தானியேலைக் கொண்டுவந்து, சிங்கங்களின் குகையிலே போட்டார்கள். ராஜா — நீ இடைவிடாமல் ஆராதிக்கிற உன் தேவன் உன்னைத் தப்புவிப்பார். என் தேவன் தம்முடைய தூதனை அனுப்பி, சிங்கங்களின் வாயைக் கட்டிப்போட்டார்.