मी या सगळ्या गोष्टींचा काळजीपूर्वक विचार केला: नीतिमान आणि ज्ञानी माणसे व त्यांची कार्ये देवाच्या हातात असतात. नीतिमान आणि दुष्ट या सर्वांची सारखीच गती होते. जिवंताना ते मरणार आहेत हे माहीत असते. पण मरण पावलेल्यांना काहीच माहीत नसते. तुझ्या मार्गाने जा, आनंदाने आपली भाकर खा. सर्वदा तुझी वस्त्रे शुभ्र असावी आणि तुझ्या डोक्यास तेलाचा अभिषेक असावा. तुझी पत्नी जी तुला प्रिय आहे तिच्याबरोबर तू आनंदाने आपले आयुष्य घालीव. जे काही काम तुझ्या हाती पडेल ते सर्व तू आपल्या सामर्थ्याने कर. कारण ज्या कबरेत आपण सर्व जाणार आहोत त्यामध्ये काम, विचार, ज्ञान आणि शहाणपणही नसते. मी सूर्याच्या खालती पाहिले: वेगाने धावणारा शर्यत जिंकत नाही, सर्वशक्तिमान लढाई जिंकतो असे नाही.