मी आपल्या मनात म्हटले, “आता ये, मी आनंदाद्वारे तुझी पारख करतो.” नंतर मी महान गोष्टी करायला सुरुवात केली; मी स्वतःसाठी घरे बांधली, आणि द्राक्षाचे मळे लावले. मी माझ्यासाठी सोने आणि चांदी यांचा संग्रह केला. जे माझ्यापूर्वी यरूशलेमेत होते त्या सर्वापेक्षा मी अधिक धनवान व महान झालो. परंतु पुन्हा सर्वकाही व्यर्थ होते आणि वायफळ प्रयत्न करणे असे होते. जे माझे श्रम भूतलावर केले होते त्याविषयी माझे मन निराश झाले. मनुष्याने खावे, प्यावे आणि श्रम करून आपल्या जिवास सुख द्यावे यापेक्षा त्यास काहीही उत्तम नाही. हे ही देवाच्या हातून घडते असे मी पाहिले.