நீதிமான்களே, யெகோவாவுக்குள் சந்தோஷமாக இருங்கள்; துதிசெய்வது நேர்மையானவர்களுக்குத் தகும். அவருக்குப் புதுப்பாட்டைப் பாடுங்கள்; ஆனந்த சத்தத்தோடு வாத்தியங்களை நேர்த்தியாக வாசியுங்கள். யெகோவாவுடைய வார்த்தை உத்தமமும், அவருடைய செய்கையெல்லாம் சத்தியமுமாயிருக்கிறது. யெகோவாவுடைய வார்த்தையினால் வானங்கள் உண்டாக்கப்பட்டன. அவர் கடலின் தண்ணீர்களைக் குவியலாகச் சேர்க்கிறார். யெகோவா தேசங்களின் ஆலோசனையை வீணடிக்கிறார். யெகோவாவை தங்களுக்குத் தெய்வமாகக்கொண்ட தேசம் பாக்கியமுள்ளது. யெகோவா வானத்திலிருந்து நோக்கிப்பார்க்கிறார். நம்முடைய ஆத்துமா யெகோவாவுக்குக் காத்திருக்கிறது; அவரே நமக்குத் துணையும் நமக்குக் கேடகமுமானவர்.