हे देवा, तू राजाला आपले न्यायाचे निर्णय दे. तो तुझ्या लोकांचा नीतीने न्याय करो. जसा कापलेल्या गवतावर पाऊस पडतो, तसा तो उतरून येईल. त्याच्या दिवसात नितिमानाची भरभराट होवो, आणि चंद्र नाहीसा होईपर्यंत विपुल शांती होईल. समुद्रापासून समुद्रापर्यंत आणि त्या नदीपासून ते पृथ्वीच्या शेवटापर्यंत त्याची सत्ता राहो. सर्व राजे त्याच्यापुढे नमन करोत. परमेश्वर देव, इस्राएलाचा देव, धन्यवादित असो, तोच फक्त आश्चर्यकारक गोष्टी करतो. त्याचे गौरवशाली नाव सर्वकाळ धन्यवादित असो आणि सर्व पृथ्वी त्याच्या गौरवाने भरली जावो. आमेन आणि आमेन.