हे परमेश्वरा, मी तुझ्यात आश्रय घेतला आहे; मला कधीही लज्जित होऊ देऊ नको. मला नेहमी आश्रय मिळावा म्हणून माझा तू खडक हो. कारण हे प्रभू, तू माझी आशा आहेस. मी लहान मूल होतो तेव्हापासूनच तू माझा भरवसा आहे. गर्भापासून तूच माझा आधार आहेस. माझ्या वृद्धापकाळात मला दूर फेकून देऊ नको; जेव्हा माझी शक्ती कमी होईल तेव्हा मला सोडू नकोस. हे देवा, तू माझ्या तरुणपणापासून मला शिकवीत आला आहेस; आता मी म्हातारा आणि केस पिकलेला झालो आहे, तेव्हा, हे देवा, मला सोडू नको.