हे परमेश्वरा, जे माझ्याशी विरोध करतात त्यांच्याशी तू विरोध कर; जे माझ्याविरुद्ध लढतात त्यांच्याविरुद्ध तू लढ. माझ्या जीवास असे म्हण, मी तुझा तारणारा आहे. ते वाऱ्याने उडून जाणाऱ्या भुशासारखे होवोत. माझ्या चांगल्याबद्दल त्यांनी मला वाईट परतफेड केली. परमेश्वरा, तू किती वेळ नुसता बघत राहणार आहेस? मोठ्या सभेत मी तुझे आभार मानीन; पुष्कळ लोकांमध्ये मी तुझी स्तुती करीन. ते लज्जित होवोत आणि गोंधळून जावोत. जे माझ्या न्याय्य बाजूचे समर्थन करतात ते हर्षनाद करोत आणि आनंदी होवोत; परमेश्वराची स्तुती असो, असे ते सतत म्हणोत.